Mobilidade
Os grupos de investigación nos que están integrados os doutores que participan neste Programa de Doutoramento veñen mantendo financiamento estable nos últimos anos a través, fundamentalmente, de proxectos de investigación obtidos en convocatorias públicas de ámbito internacional, nacional, autonómico e das propias Universidades ás que pertencen, o que permitirá proporcionar apoio económico aos doutorandos para que poidan realizar estadías de investigación ou asistir a congresos que sexan de interese para a súa actividade investigadora.
Así mesmo, tanto os directores de tese como os responsables da Coordinación do Programa de Doutoramento orientan e apoian aos doutorandos para que eles mesmos concorran ás convocatorias públicas de bolsas e contratos de formación de persoal investigador (FPU, FPI, etc), axudas de mobilidade e outras axudas específicas para a realización de estadías de investigación e asistencia a Xornadas, Congresos e Seminarios que resulten de interese.
Consulta o apartado de bolsas e axudas